【殯儀百科】殯儀避坑指南！點樣避免殯儀服務中嘅隱藏收費或濫收費？

面對親人離世心情極之沉重，如果仲要擔心遇到殯儀陷阱、被濫收費用，真係會令人好無助。想為先人辦好最後一事情，同時保護好自己嘅權益？即睇以下 4 個極之實用嘅防伏貼士：

 4 個極之實用嘅防伏貼士。

1. 拒絕隱藏收費，小心口頭報價，要求清晰明細

好多隱藏收費都源於「口頭承諾」。確認服務前，一定要要求殯儀公司提供白紙黑字嘅詳細清單，將棺木型號、禮堂大細、車程配套等各項細節列明，避免最後結帳時多咗一堆「預期之外」嘅費用。

2. 釐清政府規費與基本代繳項目

食環署嘅火化費（HK$1,220）、死亡證登記費（$140）及骨灰位買位費（$2490）等屬於政府規費。事前要問清楚報價係咪已經包含呢啲代繳費用，以免出現重複收費嘅情況。

3. 事先確認「利是 / 小費」條款

殯儀儀式中常見嘅堂倌、土工或殯儀館服務費，一定要先問清楚係由家屬自願給予，定係已經包含喺套餐總價入面，保持費用完全透明。

4. 提防特殊附加費

例如超重棺木費、過海隧道費、夜間搬運或無升降機嘅樓梯搬運費等，都係常見嘅額外收費點。事前主動跟殯儀顧問溝通好先人及環境情況，就能避免臨門一腳被追加開支。

💡善仁有限公司 專業顧問建議

選擇殯儀服務時，內容透明度永遠係首要考量。善仁有限公司專業且有責任感嘅殯儀公司，會喺最初階段主動拆解所有細項，絕唔會含糊其辭。

善仁有限公司 堅持「高透明度」服務，所有收費明碼實價，絕無隱藏開支，陪伴每個家庭平穩、莊嚴地走過呢一段路。